पारनेर : पारनेर अपडेट मिडिया
नगर जिल्ह्यातील पारनेर, कर्जत, अकोले, शिर्डी सह राज्यभरातील ११३ नगरपंचायतींमधील सदस्यपदांच्या सार्वत्रिक निवडणुकांसाठी २३ नोव्हेंबर २०२१ रोजी प्रारूप मतदार याद्या प्रसिद्ध करण्यात येणार आहेत. राज्य निवडणूक आयुक्त यू. पी. एस. मदान यांनी दिली.
प्रारुम मतदार याद्यांवर २६ नोव्हेंबर पर्यंत हरकती व सूचना दाखल करता येतील.३० नोव्हेंबर रोजी प्रभागनिहाय मतदार याद्या प्रसिद्ध करण्यात येणार असल्याचे मदान यांनी सांगितले.
एप्रिल २०२० ते मे २०२१ या कालावधीत मुदत समाप्त झालेल्या ८८, डिसेंबर २०२१ मध्ये मुदत समाप्त होणाऱ्या १८ आणि ७ नवनिर्मित अशा एकूण ११३ नगरपंचायतींच्या सदस्यपदांच्या सार्वत्रिक निवडणुकांसाठी हा मतदार यद्यांचा कार्यक्रम जाहीर करण्यात आला आहे.
या निवडणुकांसाठी केंद्रीय निवडणूक आयोगाने तयार केलेल्या व १ नोव्हेंबर २०२१ रोजी प्रसिद्ध झालेल्या विधानसभा मतदारसंघ निहाय मतदार याद्या ग्राह्य धरण्यात येतील. या याद्या प्रभागनिहाय विभाजित केल्यानंतर २३ नोव्हेंबर २०२१ रोजी प्रारूपाच्या स्वरूपात प्रसिद्ध करण्यात येतील.
त्यावर २६ नोव्हेंबर २०२१ पर्यंत हरकती व सूचना दाखल करता येतील. २९ नोव्हेंबर 2021 रोजी प्रभागनिहाय अंतिम मतदार याद्या प्रसिद्ध केल्या जातील. मतदान केंद्रांची यादी आणि मतदान केंद्रनिहाय मतदार याद्या ३० नोव्हेंबर २०२१ रोजी प्रसिद्ध केल्या जातील.
प्रभागनिहाय मतदार याद्या तयार करताना विधानसभा मतदारसंघाच्या यादीप्रमाणेच प्रभागनिहाय मतदार याद्यांमध्ये मतदारांची नावे व पत्ते कायम ठेवले जातात. या याद्यांमध्ये नवीन नावांचा समावेश करणे, नावे वगळणे अथवा नावे किंवा पत्त्यांमध्ये दुरूस्ती करणे इत्यादी स्वरूपाची कार्यवाही राज्य निवडणूक आयोगाकडून केली जात नसल्याचे स्पष्ट करण्यात आले आहे.
हरकती व सूचनांच्या अनुषंगाने केवळ मतदार याद्यांचे विभाजन करताना होणाऱ्या चुका, मतदाराचा चुकून प्रभाग बदलणे, विधानसभेच्या यादीत नाव असूनही प्रभागाच्या यादीत नाव नसणे आदींसंदर्भातील दुरूस्त्या करण्यात येतात, असे मदान म्हणाले.
प्रारूप मतदार याद्या प्रसिद्ध होणाऱ्या नगरपंचायतींची जिल्हानिहाय नावे अशी:
अहमदनगर
अकोले, कर्जत, पारनेर, शिर्डी
ठाणे
मुरबाड व शहापूर, पालघर- तलासरी, विक्रमगड, मोखाडा, रायगड- खालापूर, तळा, माणगाव, म्हसळा, पोलादपूर, पाली (नवनिर्मित)
रत्नागिरी
मंडणगड, दापोली
सिंधुदुर्ग
कसई-दोडामार्ग, वाभवे-वैभववाडी, कुडाळ, देवगड- जामसंडे
पुणे
देहू (नवनिर्मित), माळेगांव (ब्रुद्रुक) (नवनिर्मित)
सातारा
लोणंद, कोरेगाव, पाटण, वडूज, खंडाळा, दहीवडी
सांगली
कडेगाव, खानापूर, कवठे-महाकाळ
सोलापूर
माढा, माळशिरस, महाळूंग-श्रीपूर (नवनिर्मित), वैराग (नवनिर्मित), नातेपुते (नवनिर्मित)
नाशिक
निफाड, पेठ, देवळा, कळवण, सुरगाणा, दिंडोरी
धुळे
साक्री
नंदुरबार
धडगाव-वडफळ्या-रोषणमाळ
जळगाव
बोदवड
औरंगाबाद
सोयगाव, जालना- बदनापूर, जाफ्राबाद, मंठा, घनसावंगी, तीर्थपुरी (नवनिर्मित)
परभणी
पालम
बीड
केज, शिरूर- कासार, वडवणी, पाटोदा, आष्टी
लातूर
जळकोट, चाकूर, देवणी,शिरूर-अनंतपाळ
उस्मानाबाद
वाशी, लोहारा बु.
नांदेड
हिमायतनगर, नायगाव, अर्धापूर, माहूर
हिंगोली
सेनगाव, औंढा-नागनाथ
अमरावती
भातकुली, तिवसा, धारणी, नांदगाव-खंडेश्वर
बुलडाणा संग्रामपूर, मोताळा
यवतमाळ
महागाव, कळंब, बाभुळगाव, राळेगाव, मारेगाव, झरी जामणी
वाशीम
मानोरा, मालेगाव
नागपूर
हिंगणा, कुही, भिवापूर
वर्धा
कारंजा, आष्टी, सेलू, समुद्रपूर
भंडारा
मोहाडी, लाखनी, लाखांदूर
गोंदिया
सडकअर्जुनी, अर्जुनी, गोरेगाव, देवरी
चंद्रपूर
सावली, पोंभुर्णा, गोंडपिपरी, कोरपना, जिवती, सिंदेवाही-लोनवाही
गडचिरोली
मुलचेरा, एटापल्ली, कोरची, अहेरी, चामोर्शी, सिरोंचा, धानोरा, कुरखेडा, भामरागड